Өнгөрсөн шөнө зүүдэнд юунд ороо вэ
Өнгөт хархан мэлмийгээр духайсхийж ирээд
Өөдөөс минь ээ дув дуугүй ширтэсгээд
Өнийн явдлыг зүрхэнд минь яах гэж хөндөнө вэ

Хоёрхон бие хайргүйдээ салсангүй ээ
Холдон холдон алслах харгуй замын эрхээр
Холширхон бага нас л биеийн зоргоор
Хонгор гэнэн сэтгэлээ өнчрүүлэнхэн явсан сан

Өнгөрсөн шөнө зүүдэнд юунд ороо вэ
Өдөт шувууны жигүүр шиг ижилдэн явахдаа
Өөртэй чинь би дэндүү дотно дассийм байлгүй
Өвдөөд байна зүрх минь, өвдөөд байна даа сэтгэл минь

/Р.Чойном

Хатмал цөлд явахад хар ус амттай
Харанхуй шөнийн дунд өнчин зул гэрэлтэй
Жаргал ховор цагт жаргалын бага нь амттай
Хэт элбэг жаргал дунд хэсэгхэн зовлон бас амттай..